Raha toa ka efa nivoaka nanomboka ny alahady teo ny valim-panadinana Bepc ho an’ny fari-piadidiam-pampianarana sasantsasany, toy ny an’i Faratsiho, Beroroha, Soavinandriana ary Mandoto dia ho vinavinaina amin’ny sabotsy izao kosa ny hivoahan’ny valim-panadinana Bepc eto an-drenivohitra. Araka ny fantatra dia tapitra androany ny fitsarana fanadinana eto Antananarivo ary rahampitso kosa ny famindrana ireo naotin’ny mpianatra ao anaty solosaina. Amin’ny zoma 14 aogositra izao ny hamaritana ny naoty farany ambany (délibération) mba ahafahan’ny mpianatra fanadinana.

Ho an’Ihosy manokana kosa dia tsy mbola ho fantatra hatreto ny fotoana mety hivoahan’ny vokatra ofisialy any an-toerana noho ny fitokonanan’ireo mpitsara fanadinana. Mitaky ny ampitomboana ny tabin-karamany mantsy izy ireo amin’ny fahitan’ireo mpampianatra fa ambany dia ambany izany tambin-karama izany. 200 ariary isaky ny taratasim-panadinana ny mitsara ny fanadinana Bepc ka mitaky ny ampiakarana izany ireo mpampianatra mpitsara fa raha tsy izany dia hitsara izy ireo.

L.N