Ho fampiharana ny fitandroana ny filaminana amin’iny lalam-pirenena faha efatra sy fahafito iny dia namafisana ny fitandroana ny fandriampahalemana ataon’ny zandarimaria nasionaly. Nisy ny atrik’asa nataon’ny zandarimaria izay tafiditra ao anatin’ny 100 andro na paikady natao dinan’asa dia ny trangam-panafihana 0, ny trafika 0 no tanjona. Ny Faritra Boeny, Betsiboka, Analamanga ary amin’iny faritra atsimon’ny Nosy iny no voasoritra manokana amin’izany.

Na eo aza ny ezaka entin’ny mpitandro filaminana dia tokony hisy hatrany ny fitandremana avy amin’ny mpandeha tsirairay sy ireo mpampiasa iny lalana iny. Indrindra fa ao anatin’ny fotoam-pialan-tsasatra tanteraka isika izao ary betsaka ireo vahiny tonga mitsidika any Madagasikara. Hisy noho izany ny fiambenana sy ny fisafoana atao amin’iny lalam-pirenena faha efatra iny ho fampiharana izany fandriampahalemana izany sy ny fisorohana ireo trangam-panafihana rehetra mety hisy amin’iny lalana iny.

Laurena Nany