Ny 27 jolay lasa teo no nanomboka efa tonga ao amin’ny seranan-tsambon’i Toamasina ny kaontenera miisa 44 misy ireo  fitaovana nafaran’ny orinasa Jirama nofaina tamin’ny orinasa Aggreko, any Ecosse. Mitondra ireo milina toy ny « transformateurs sy ny groupes électrogènes ». Ny kaontenera efatra amin’ireto misy ny fitaovana ireto no misy ny kojakoja samihafa « consommables » ilaina amin’ireo milina ireo : entina ho famahana ny olan’ny delestazy lavareny izay mampitaraina ny besinimaro, ka mampikaikaika sy iainan’ny vahoaka mpampiasa herinaratra eo amin’ny fanaovana fiharian-karena fitadiavana andavanandro. Ny alatsinainy 27 jolay 2015 no niainga tao Dubai ny sambo Claes Maersk, ary ny alatsinainy 10 aogositra  kosa ny Nancy Victory, no nihantsona tao amin’ny seranan-tsambon’i Toamasina .  Voalaza fa hofain’ny Jirama amin’ny Aggreko, orinasa britanika misahana manokana ny fampanofana ny « groupes électrogènes » izay ao Glasgow, Ecosse, no misy ity ozinina mpampanofa fitaovana fampandehanana herinaratra ity. Inoana fa hivaha amin’izay ny fahoriam-bahoaka misedra ny fahatapahan-jiro matetika eto amin’ ny firenena.

ZOUZOUH Toamasina