Raim-pianakaviana iray no namoy ny ainy tany amin’ny kaominina Andonabe, ao anatin’ny distrikan’i Mananjary nohon’ny afitsok’ireo jiolahy mitam-basy. Ny alin’ny sabotsy teo tamin’ny 10 ora no nitrangan’izany. Andian-jiolahy miisa enina tsy nisaron-tava izy ireo no nanafika mpivarotra iray tany an-toerana. Toy ny fanaon’ny mpa,nafika mitam-piadiana dia nanapoaka basy in-telo misesy izy ireo.

Rehefa tafiditra tao an-trano dia nandrahona ireo lasibatra ireo jiolahy mba hamoaka ny fananan’izy ireo saingy nanohitra ny raim-pianakaviana.  Raikitra ny fifandonana ka notsatohan’ny jiolahy ny antsy ilay rangahy ary voatrobaka teo amin’ny lohany. Lasa avy eo ny vola-drakitra izay tsy fantatra ny totaliny, ny « Dvd portable » ary ny finday tao an-trano. Vokatry ny ratra mafy nahazo azy dia tsy nahatsiaro tena nandritra ny telo andro, tao amin’ny hopitaly Mananjary izy. Na nanao izay ho afany ary ireo mpitsabo dia tsy tana intsony ny ain’io raim-pianakaviana io, omaly maraina.

L.N