Miisa 425 ankehitriny ireo mpamafa làlana eto Antananarivo renivohitra. Mizara roa izy ireo ka ny 50 natao mpiandry raharaha sady miasa isan’andro ary ny ambiny miantoka ny  fahadiovan’ny tànana. Mba hampandeha tsara ny asan’ireo olona ireo dia nozaraina akanjo fitondra miasa miisa 350 sy aron’akanjo 600 ary solosaina 10 ireo mpamafa làlana. Araka ny fanambaran’ny talen’ny fahadiovana eto an-drenivohitra, Ramanamihaja Fanilo, mahatratra 4 taonina isan’andro ny fako esorina manodidina eo Analakely sy Behoririka fotsiny. Harona plastika ny 75 isan-jaton’ireo fako ireo. Ny olana dia tsy miraharaha fahadiovana ny olona ka sarotra ny fanabeazana ny mponina amin’ny resaka fahadiovana. Manana olana goavana amin’ny tsy fisian’ny vola ampiasaina ny kaominina satria tsy misy mpanampy fa saika mianto-tena amin’ny tetikasa rehetra. « Na misy ny vola, na tsy misy dia miezaka foana ny kaominina manadio ny tanàna mba ahafahana mampiseho amin’ny ny mponina fa vonona ny hiasa hatrany ny mpitantana », hoy hatrany ny talen’ny fahadiovana eto an-drenivohitra.

Laurena Nany