Misy karazany maro ny aretin-tsaina ary mitombo isa hatrany ireo olona voan’izy io. Raha arivo isan-taona ny olona raisina eny amin’ny toeram-pitsaboana manana aretin-tsaina eny Analakely dia mitombo 500 eo izany isan-taona, araka ny fanambaran’ny profesora Rajaonarison Bertille Hortense, lehiben’ny sampam-pitsaboanan’ny marary saina eto Antananarivo.

Ireo tanora eo amin’ny 15 hatramin’ny 25 taona tsy mbola manambady ary ny mpianatra no tena voan’io aretin-tsaina io. Mahatratra 24,39% ny tahan’ny olona marary saina eto Madagasikara ankehitriny raha 14,83% tamin’ny taona 2011.

Aretina ny hadalana ary tsaboina sahala fa ny maha-samy hafa azy amin’ny aretina ara-batana dia ny fitsabona ara-tsaina izay tsy vitan’ny fihinanana fanafody na tsindrona ihany fa mila fandraisana an-tanana izay mivoy ny kolontsaina sy ny finoan’ilay olona tsaboina.

Ankoatran’ny olana ara-bola izay sendrain’ireo manana havana marary dia manahirana, ihany koa, ny tsy fahampian’ny mpitsabo manam-pahazaina manokana ho an’ny marary saina eto Madagasikara sy ny tsy fahampian’ny tobim-pahasalamana mandray azy ireny. Miisa 12 izy ireo ary 4 kosa ny toby fandraisana an-tanana ireo olon lasa adala. Notanterahina tao amin’ ny lapan’ny tanàna Analakely omaly ny kaongresy voalohany izay nokarakarain’ny ao amin’ny sampana miadidy ny fahasalamana ara-tsaina.

L.N