Mitohy ny fampihorohoroana olona amin’ny vely « bois rond » eto an-drenivohitra. Raha ny mpandeha an-tongotra sy ny mpitondra môtô no tena lasibatr’izany teo aloha dia fantatra fa tonga hatrany an-tokan-trano ity herisetra ity amin’izao fotoana izao. Jiolahy iray nitondra « bois rond » no naratra mafy voavelin’ny hazo be nentiny  teny Soanierana, ny alin’ny sabotsy hifoha alahady lasa teo. Niditra teo an-tokontanin’ny olona mpivarotra kitay io lehilahy io no tratran’ny tompon-tanàna niaraka tamin’ny hazo izay noheveriny fa anisan’ireo entana amidiny. Nosontomin’ilay tompon-tanàna teny an-tanan’ilay jiolahy ilay « bois rond » ary novelesiny ity farany. Tapaka noho izany ny sandrin’ilay jiolahy havanana sy ny lanton-tsandriny ary ny tongony. Niditra hopitaly avy hatrany io jiolahy io ary nilaza ny tsy hanaiky moramora fa hendrikendrika fotsiny izao mahazo azy izao. Efa eo am-pelatanan’ny mpitandro filaminana ny raharaha amin’izao fotoana izao.

L.N