Fanehoana ny soatoavina malagasy ny fahazaina mikabary eo anivon’ny fiaraha-monina sy amin’ny asa aman-draharaha isan-tsokajiny ary amin’ny adidy aman’andraikitra izay atao. Ilaina ny kabary satria anisan’ny sakana tsy hahafahana mampandroso zavatra atao ny tsy fahazaina azy. Mba ho fanampiana ireo manana tahotra sy miahotra amin’ny fandraisana fitenenana dia misy ny « fiofanana kabary tselatra » izay karakarain’ny fikambanana mpikabary malagasy, indrindra fa ny Ivon-toeran’ny Kolontsaina Malagasy na Ikm izay miara-miasa amin’ny Fi.mpi.ma.

Natao ho an’ny rehetra ihany koa ny fiofanana na mpianatra, na olon-tsotra na mpiara miasa, mpitondra orinasa, izay manana andraikitra eo anivon’ny fianakaviana sy ny fiaraha-monina, ny firenena nefa tsy manam-potoana. Ny tanjona amin’ity fiofanana ity dia miaro sy manolotra ny oham-pitenanana amin’ny alalan’ny kabary. Hisy loha-hevitra maro azon’ny tsirairay hianarana amin’izany, araka ny ora sy ny mpampianatra sy izay safidin’ny tsirairay. Hanomboka ny 5 oktobra hatramin’ny 18 desambra 2015 izany.

L.N