Lehilahy iray manodidina ny 35 taona no maty, tsy nialana nenina,  nianjeran’ny vodimanga efa maina tao amin’ny kaominina Farahalana, any amin’ny distrikan’i Sambava, ny alatsinainy tamin’ny 11 ora tany ho any. Rangahy iray 60 taona kosa tapa-tanana tamin’izany loza izany ary mbola tsaboina eny amin’ny hopitaly any an-toerana. Toy ny efa fanaon’izy ireo rehefa mafana ny andro dia mialokaloka eo ambanin’izany vody hazo izany izy ireo. Kanjo nianjera tampoka izany, ary tsy nampoizin’izy ireo mihitsy. Niala hatramin’ny fakany ilay hazo raha ny vaovao voaray avy any an-toerana. Betsaka izy ireo no nipetraka teo ambanin’izany  vodimanga izany, saingy tafatsoaka avokoa ny ambiny fa ity tovolahy ity irery no voatsindry tao. Manoloana ity voina ity, nisy ny fanentanana nataon’ny tompon’andraikitra mba hanapahana ireo hazo boboka rehetra mba tsy hisian’ny loza tahaka izao intsony.

L.N