Tovolahy miisa 2 nandeha kodiaran-droa indray no maty tamin’ny lozam-pifamoivoizana nitranga tao Ambatofisaka, làlana mihazo ny distrikan’Antalaha, ny alahady maraina, tamin’ny 7 ora. Avy any Sambava izy ireo no nifatratra tamin’ny fiara 4×4 iray nifanatrika taminy. Nandeha mafy izy ireto ary nahenoana fofona alikaola ihany koa nandritra ny fizahana nataon’ny mpitandro filaminana. Nipitika 2 metatra niala ny  toerana nisehoan’ny loza izy roa lahy ka ny iray izay manodidina ny 24 taona, no maty teo no ho eo raha toa ka tany amin’ny hopitaly kosa no namoy ny ainy ilay namany, tokony ho 22 taona any ho any.

Mpamily kamiao iray hafa, ihany koa, no maty tsy tra-drano, teny amin’ny lalam-

pirenena Rn2, tao Brickaville, ny marainan’ny 10 oktobra lasa teo. Hitodi-doha ho aty an-drenivohitra ilay kamiao « Semi-remorque » no nivadika tampoka ary nifatratra teo amin’ny tokontanin’olona iray. Tsy fantatra ny nahatonga ny loza fa maty ilay mpamily rehefa tonga kelileky tany amin’ny hopitaly tao an-toerana.

L.N