Tokantrano roa hafa tao amin’ny fokontany Andranomadio parisela 11/46 indray no novakian’ny jiolahy amin’ny antoandro, tany Toamasina. Tamin’ny talata teo, tokony ho tamin’ny 10 ora maraina no nisehoan’izany. Lasa ny vola iray hetsy sy ny zavatra sarobidy tao an-trano. Nandeha niantsena ny tompon-trano tamin’ny nitrangan’ny fanafihana. Gaga ity farany raha nahita ny tranony nidanadana tamin’ny fiverenany. Ahiana ho ireo olona eo amin’ny manodidina ihany no nahavita ity halatra ity. Raha ny vaovao voaray, tsy mahasakana ireo olon-dratsy intsony ny tamboho misy ireny vy fiarovana ireny satria mahavita manainga izany izy ireo. Velon-taraina ireo mponina any an-toerana amin’izao fotoana izao satria manao tohy vakana mihitsy ny fanafihan’ ireo jiolahy. Hatramin’ny fiandohan’ity herinandro ity dia trano miisa 4 hatreto no lasibatra.

Raha tsiahivina, ny alin’ny alatsinainy hifoha talata dia trano telo no nasesin’ireo mpanafika nidirana an-keriny izay nahaverezana entana maromaro. Ny faran’ny herinandro iny indray dia tovovavy kely 16 taona no naolan’ireo jiolahy nandritra ny fanafihana.

L.N