Ny « Master immobilier services (Mis)» dia orinasa iray mikarakara ny fivarotana sy fividianana tany amin’ny vidiny tena mora. Amin’izao fotoana izao dia manana tolotra ho an’ny mpanjifa ny Mis, ny tetikasa « Tany ho anao ». Tolotra natokana ho an’ny mpiasa na amin’ny fanjakana na amin’ny tsy miankina izany, izay iarahana miasa amin’ny banky mba ahafahan’ireo mpanjifa mandoa tsikelikely ny vidin’ny tany araka ny fahafahany.

Ny orinasa Mis dia manampy ireo mpanjifa amin’ny fitadiavana tany, noho izy ireo mahafantatra tsara ny tsena anatiny sady manamora ihany koa ny paik’ady rehetra sy fikarakarana ny atontan-taratasy. Ankoatra ny famoran’ny tany dia manome antoka ny fahadiovan’ny tany  eo amin’ny resaka ara-pitsarana sy ara-bola ihany koa izy ireo ary manome titra ny tany mazava tsara.

« Voakasika amin’izany ny tany any amin’iny lalam-pirenena Rn1 dia ny any Imerintsiatosika an-tampon-tanana sy Fonenana, Vontovorona, Ambatomirahavavy sy ny maro hafa.  Notsongaina manokana iny Rn1 iny noho ny fivoarany sy ny fahitana fa mbola malalaka. Manomboka amin’ny 2 500 ariary ny 10 metatra tora-droa hatramin’ny 20 000 ariary », hoy i Rajaonarisoa, mpitantana ny orinasa Master immobilier services.

L.N