Torana nifamonjena ilay vehivavy tao anaty fiara tsy mataho-dalana izay nandona mpianaka teny Behoririka ny faran’ny herinandro teo. Nikarapoka tamin’ny tany ary naratra mantsy ilay voadona ka tsy tantin-dramatoa nandeha fiara izany. Torana ity farany ka voatery izy no nalefa voalohany tamin’ilay fiarakaretsaka akaiky indrindra teo fa tsy ilay voadona. Voalaza fa samy tsy nisy nandefitra teo amin’ny arabe na ilay fiara 4×4 na ilay olona niampita. Samy  tsy nahay nandefitra ka izao voadona izao ilay mpandeha an-tongotra. Lasa fahazaran-dratsy rahateo ho an’ny olona mpandalo eto an-drenivohitra ny tsy matahotra fiara fa miampita amin’ny toerana tiany aleha sy mandeha eny ampovoan’ny arabe. Ny mpitondra fiara sasany ihany koa anefa tsy te hahalala ny hafa mihitsy ary tsy mitsitsy ain’olona fa manararaotra hoe azy ny arabe. Ireo antony ireo dia anisan’ny mahabetsaka ny lozam-pifamoivoizana eto an-drenivohitra.