Lehilahy fito sy vehivavy iray no natolotra ny polisim-pirenena ny fampanoavana omaly, noho ny fivarotana sy fintsindromana zava-mahadomelina mahery vaika na « héroïne », taorian’ ny fanaovana famotorana azy ireo. Ny talata 10 novambra, tokony ho tamin’ny 5ora hariva no saron’ny polisy izy ireo, teny Ankasina 67ha. Mpivady mpivarotra ary enin-dahy mpitsindrona kosa ny ambiny. Tamin’ny fisavana ilay trano indrindra ireo polisy no nahita ny « héroïne » milanja 5 grama.

Tamin’ny famotorana natao tamin’ireo mpivady no nahafantarana fa 220 000 ariary no hividianan’izy ireo ny 1 grama amin’izany “ramaître” izany ary amidiny 10 000 ariary ny 0,1 grama. Tsy vitan’ny mivarotra ihany fa mbola mitsindrona ihany koa izy ireo ary efa naharitra enim-bolana no nanaovany io asa ratsy io.

Izy enin-dahy mpitsindrona kosa dia nilaza fa efa am-bolana maromaro no nitsindrona ity zava-mahadomelina ity ary ao amin’izy mivady ireto no fividianany izany. Marihina moa fa 20 ka hatramin’ny 25 taona no salan-taonan’izy ireo ary samy mbola mpianatra avokoa.

L.N