Fiara taksiborosy marika Mercedes Sprinter iray nitondra mpandeha am-polony no niharan-doza, tany amin’ny kaominina sy fokontany Antanimbary, distrika Maevatanàna, ny zoma 13 novambra lasa teo. Ny fandehanana mafy sy fahamamoan’i ny mpamily no antony nampivadika ilay fiara raha ny loharanom-baovao. Vokany, olona miisa 3 no maty teo no ho eo ary ny ambiny naratra avokoa fa ny dimy no tena voa mafy. Nidina teny amin’ny toerana nisehoan’ny loza ny mpitandro filaminana nanao fizahana. Ireo naratra kosa nalefa haingana tany amin’ny hopitaly Maevatanàna mba hahazo fitsaboana mifanandrify aminy avy. Mahakasika ireo namoy ny ainy indray dia naterina any amin’ny tranom-paty any amin’ny hopitaly hatrany miandry ny fianakaviany. Mitohy ny fanadihadiana ataon’ny zandary.