Nanomboka ny talata 24 novambra ny fankalazana ny faha-30 taonan’ny sampana Haisoratra sy ny siansa maha olona eo anivon’ny Oniversite Toamasina, izay niforona tamin’ny taona 1985. Notanterahana tao  Barikadimy, any Toamasina ny lanonam-panokafana izay haharitra efatra andro. Vory lanona nanome voninahitra izany lanonana izany ireo sojabe nanangana ny sampana Haisoratra sy siansa maha olona  toy ny Profesora Latsaka Abraham, Razafindehibe Etienne sy ireo  maro hafa.  Tonga nanatrika izany ihany koa ny tale jeneralin’ny minisiteran’ny Fampianarana ambony izay nisolontena ny

minisitra, sojabe amin’izao fotoana izao, ary ireo mpampianatra sy mpandraharaha eo anivon’ny Oniversite.

Notokanana nandritra ity lanonam-panofakana ity ny birao navaozina ho an’ny sampana Haisoratra sy siansa maha olona, entina hanamarihana ny fankalazana. Birao izay ahitana fitaovana manaraka ny toe-trandro eo amin’ny fikarohana, ahitana solosaina misy aterineto.
Nandritra io fotoana io koa no nanoloran’ny ministeran’ny Fampianarana ambony solosaina miisa 8 sy « vidéoprojecteur »  miisa 3 ho an’ny fiadidiana ny Oniversiten’i Toamasina.

Laurena Nany