Mitaraina ireo mpanamboatra fiara eny Andavamamba amin’izao fotoana izao manoloana ny tsindry hazo lena mahazo azy ireo. Tsy nisy ny fifampiresahana na ny fampandrenesana mialoha fa baiko midina avy hatrany no tonga manala ireo mpanao garazy amin’izany toerana izany. « Aiza ny fiarovana ny mandinika ? » hoy ireo mpanofa ity toerana ity satria efa 15 taona nanajariana ny tany izy ireo.

« 15 andro no fotoana nomena anay hiala amin’ity toerana ity, izay efa nanomboka ny zoma lasa teo satria lasan’ny mpanambola vahiny ny tany. Am-bava no hanalana anay eto. Maro ny zavatra tsy ho voavaha anatin’izay fotoana izay ary mamelona 50 olona izahay ato amin’ity toerana ity  izay miteraka olana be amin’ireo mpiasa sy ireo mpanfija », hoy i Ramangasaonina Jean Baptiste, Filohan’ny garazy.

Mahatratra any amin’ny 800 metatra tora-droa eo ity velaran-tany ity. Ho an’ireo mpanofa ny tany dia sarotra ny ahitana ny toerana tahaka izao, indrindra amin’izao ankatoky ny fety izao. Mitodika any amin’ireo tompon’andraikitra ambony ireo mpanofa ity toerana ity mba hijery akaiky azy ireo.

L.N