« Isan’ny fototra mahatonga io firongatry ny fifohana rongony io ny tsy fahafahan’ny ray aman-dreny manara-maso ny zanany intsony. Toa mionona amin’ny fidirana sy fivoahana ny trano fotsiny izy ireo fa tsy misy mamantatra izay ao anaty kitapo sy izay nataony tany am-pianarana akory », hoy ny fanazavan’ny polisy ao Mangarivotra any Mahajanga. Ankizy 9 hatramin’ny 14 taona no saron’ny polisy tany an-toerana nanandrakandrana nifoka rongony.

Ho fisorohana ny tsy hiverenan’ny tranga tahaka izao dia ilaina ny fiaraha-miasa amin’ny tsirairay mba ampahafantatra ny mpitandro filaminana rehefa mahita azy ireo midoroka io zava-mahadomelina io, hoy ny polisy. Voakasik’izany ihany koa ireo mpivarotra rongony, satria matoa misy ny mifoka dia misy ny mpivarotra ka tsy tokony ho variana ireo ray aman-dreny, manoloana ny trangan-javatra tahaka izao, fa lasa mifanome tsiny amin’ny fandraisan’andraikitra ataon’ny mpitandro filaminana.

Laurena Nany