Lehilahy miisa 2 indray no maty nofaohan’nyfiarakodia, ny sabotsy lasa teo. Ny iray tovolahy 20 taona, ity farany izay voaporitra teo anelanelan’ny kamiao anankiroa, ny sabotsy tamin’ny 5 ora hariva, teny Ambohimangakely. Araka ny vaovao voaray dia nanoro lalana kamiao iray izay nihemotra izy, noho, niseho ny loza. Tsy fantatra kosa hoe tsy nazava ve ny fanoroana ka nahatonga ity loza mahatsiravina ity. Nentina haingana nifamonjena tany amin’ny hopitaly Hjra ary rehefa avy nitsakoahana be  dia tsy tana intsony ny ainy nony tonga kelikely tao.

Lehilahy iray hafa, tokony ho 45 taona kosa indray no maty voadonan’ny fiara, teny amin’ny lalana By-pass, ny sabotsy alina. Nirimorimo mafy ilay fiara, araka ny loharanom-baovao. Niezaka niala ihany ilay lehilahy fa mbola voakapoka ilay fiara hatrany. Nipitika roa metatra niala ny fisian’ny lozam-pifamoivoizana ary nikarapoka teo amin’ny tany, izay nitarika ny fahafatesany. Tsy nandositra fa nandray ny andraikiny avy hatrany kosa ilay mpamilin’ ny fiara. Efa mandeha ny famotorana.

L.N