Nampidirina am-ponja avy hatrany ilay tovolahy misoloky olona, izay milaza fa mahatafiditra olona hiasa any Etazonia. Ny sabotsy lasa teo no voasambotry ny mpitandro filaminana tao amin’ny trano fisakafoanana iray, tao Anjoma, any Toamasina io tovolahy io. Araka ny vaovao voaray, efa andro maromaro izy no nihaodihaody tany an-tampon-tananan’I Toamasina ary milaza ho mpitantana orinasa lehibe iray matanjaka any Etazonia. Mitety olona maro izy, ary mahavatra manantona ireo sampan-draharaha mitady olona ho jonoina. Amin’izany no ilazany fa mahavita mampiditra olona hiasa amin’io orinasa iandraketany io izy, ary mahavita mambabo ireo lasibatra amin’ny fikarakarana ny atontan-taratasy rehetra ilaina amin’izany mba hanamorana ny fandehanana any. Tsy vitsy ireo olona tratrany izay hakany vola be avokoa ary tsy hita izay nanjavonany avy eo. Nametraka fitairanana tany amin’ny polisy ireo voasoloky ary nandeha ny fikarohana io olon-dratsy io taorian’ny fahazoana didy fampisamborana azy avy tamin’ny fitsarana.

Laurena Nany