Tovolahy iray 20 taona nisarahan’ny olon-tiany no namono tena nisotro poizim-boalavo. Ny alatsinainy lasa teo no nisehoan’izany, teny Besarety. Raha ny angom-baovao dia nanana olana tamin’ny sipany izy io, ka nitarika ny famoizam-po. Resaka hasarotam-piaro no fototry ny olana. Rafitra ny fifamialana izay niafara tamin’ny fisarahana. Tsy zakan’ilay tovolahy izany ka nanapitra ny ainy no sisa vahaolana hitany farany. Nalainy ny fanafody famonoana voalavo tao an-tranony ary nentiny tao amin’ny efitra fatoriany ka iny no nisotroany avy eo.

Tsy nisy nahalala ny zavatra niseho ny tao an-trano raha tsy izy efa narary mafy niantso vonjy. Taitra ny reniny ka nihazakazaka nijery ny mahazo an-janany. Efa ilay tovolahy malemy no hitany tao ka nifamonjena nentina tany amin’ny hopitaly avy hatrany. Efa manaraka fitsaboana ao amin’ny Hjra ilay zazalahy amin’izao fotoana izao. Araka ny fanambaran’ny mpitsabo dia mbola tsy afaka ny loza izy ary aorian’ny 24 ora vao afaka mamaritra tsara ny fivoaran’ny toe-pahasalamany.

Laurena Nany