Mbola mitohy hatrany ny tsy fandriampahalemana any amin’ny tanànan’i Beroroha. Tokantrano iray indray no lasibatry ny jiolahy mitam-piadiana ny alin’ny alarobia lasa teo. Nirefodrefotra ny basy tamin’izany fotoana izany ka raiki-tahotra avokoa ny manodidina. Izay indrindra no nararaotin-dry zalahy niditra an-keriny tao amin’izany tokantrano izany. Notifirin’izy ireo avy hatrany mantsy ny fanalahidim-baravarana izay nahafahan’izy ireo niditra. Nanamparan’ireo olon-dratsy ny heriny amin’izay ny tao an-trano rehefa tsy nanaraka izay nolazainy. Nokapain’izy ireo ny famaky ilay ramatoa, raha toa ka voatifitra rangahy vadiny. Rehefa naratra mafy tsy afaka nanohitra azy ireo amin’izay izy mivady dia norobainy avokoa ny entana sarobidy tao an-trano ary lasa izy ireo avy eo nandeha. Ireo naratra kosa nentina namonjy toeram-pitsaboana. Efa eo am-pelatanan’ny mpitandro filaminana ny raharaha.

Laurena Nany