Malaza ratsy. Tsy foana mihitsy ny kolikoly ao amin’ny sampan-draharahan’ny Fananan-tany ao. Tsy vao izao fa matetika no ahenoana fa misy  tany iray no lasa misy tompony roa na maromaro. Misy ny mahazo “titre” na tany efa an’olona izao aza. Anisan’ireo nahagaga ny maro ny zava-misy fa voasoratra aman’ny olona ny “parking-n’ny building “A” etsy Ambodin’Isotry. An’ny Seimad ity trano be ity taloha saingy namidiny tamin’ireo mpanofa. Naloa isam-bolana ny vidiny tamin’ny alalan’ny “vente location”. “Efa an-taonany maro no nipetrahan’ny maro aminay ao amin’io trano be io”, hoy ny fanazavana azonay avy amin’ny mponina iray eny an-toerana. “Nisy havan’ny mpanofa trano tany ambany nivarobarotra teo amin’ny sisin’ny building  teo. Tsy dia nahita olana firy tamin’izany izahay. Taty aoriana anefa, gaga ny rehetra fa voasoratra tamin’io mpivarotra io ny parking sy ny tokontanin’ny building”, hoy ny fitarainan’ireo mponina ao amin’ity trano ity. Tsy nisy ny fifanatonana tamin’ny mpiara-monina na ny fampandrenesana fa dia natao antsokosoko ny fanoratana ny tany ho amin’ilay olona. Ankoatra ny fahazoany ny parking dia mbola tafiditra ao anatin’ny faritry ny tany lasan’ity olona ity ihany koa ny tambohon’ny building “A” eo Ambodin’Isotry. Voafaritra hatramin’ny lalana hiditra ao amin’ity trano be ity.

“Efa nisy ny dingana natao. Miantso ny tompon’andraiki-panjakana izahay, indrindra ny ao amin’ny sampan-draharahan’ny Fananan-tany ao amin’ny ministeram-panjakana miandraikitra ny fanajariana ny tany.

FR