Nitrangana lozam-pifamoivoizana indray tamin’iny lalam-pirenena voalohany iny. Kamiao iray nitondra omby aman-jatony hiakatra ho aty an-drenivohitra no tra-doza, teny Andranomadio, 8 kilometatra miala an’i Tsiroanomandidy, ny faran’ny herinandro teo. Nivadika ambony ambany ilay kamiao ka maty tsy tra-drano ny omby miisa 4 nentin’ity fiara be ity, ary olona iray tao anatiny izany koa no  naratra mafy. Raha ny vaovao voaray dia nandeha mafy ity kamiao ity ka tsy voatanan’ilay mpamily intsony ny familiana rehefa niala lavaka teo am-povoan-dalana izy.  Potika tsy nisy noraisina ihany koa ilay fiara. Efa manaraka fitsaboana eny amin’ny tobim-pahasalamana ny naratra.