Ny Malagasy dia manana fahazarana tsy manatona mpitsabo raha tsy efa mihombo ny aretina. Tsy mba ohatry ny any  amin’ny tany mandroso izay manatona dokotera avy hatrany mangataka toro-hevitra na fanafody rehefa misy tsy metimety amin’ny vatany, fa aleon’ny malagasy mihafy. Raha zohina dia efa toa lasa kolontsain’ny marary mihitsy izy io ka tokony hanaraka izany ny mpitsabo rehetra, araka fanambaran’i Dr Feziny, eny  amin’ny toeram-pitsaboana Marie Stella.

Tokony mipetraka amin’ny toeran’ny marary foana ny mpitsabo ary miezaka mampianatra azy ireo amin’ny fanomezana toro-hevitra fa tsy manome tsiny rehefa tsy manatona azy ireo. Mbola olana eto Madagasikara mantsy ny tsy fananan’ny ankamaroan’ny malagasy ny vola natokana amin’ny fitsaboana hany ka lasa miraviravy tanana miandry fahafatesana. « Ny aretina anefa mandany vola foana na tiana na tsy tiana izay mahatonga ny vola ka izay no mba  misy vola atokana amin’ny fitsaboana ho an’ny mpiasa anefa tsy ny olona rehetra no misitraka izany ka tokony hanetry tena foana ny marary milaza ny fahafahany rehefa tsy manana hividianana fanafody mba ahafahana manatsara ny toe-pahasalamana. »

Laurena Nany