Raha tany Miandrivazo foana no nahenoana ny aretina ambalavelona hatramin’izay dia tonga any Mangamila, distrikan’Anjozorobe indray ity aretina hafahafa ity. Ankizivavy mpianatra ny lisea sy Ceg 14 ka hatramin’ny 17 taona miisa 6 no voalaza fa nihetsika ambalavelona ny 8 febroary lasa teo, araka ny tatitra avy amin’ny zandary. Toratorana dia avy eo mitomany ary voan’ny fanintontsintona ireo ankizy ireo. Nidina teny an-toerana avy hatrany ny mpitandro filaminana vao nampandrenesina ny zava-nisy ary nandray fepetra tamin’ny fanakatonana ireo toeram-pianarana ireo ny 10 ka hatramin’ny 12 febroary lasa teo. Ireo ankizy kosa nentina namonjy hopitaly CsbII ary efa nahazo fitsaboana. Mihorohoro tanteraka ireo ray aman-dreny amin’izao fotoana izao satria mbola tsy fahita tany an-toerana hatramin’izay mihitsy ity karazana aretina ity, araka ny tatitra azo.

Laurena Nany