Mitady hahazo vahana indray ny famonoana olona any amin’ny distrikan’i Vohipeno. Lehilahy iray sahabo 35 taona any ho any no hita faty nitsirara teny amoron-dalana, tao Analasoa, fokontany Ambohimanga. Ny zoma lasa teo, tamin’ny 6 ora maraina, no hitan’ny olona iray hamonjy fiasana ny razana. Nampandre ny tompon’andraikitra teo amin’ny fokontany ilay olona ka iry voalohany indray avy eo no nampilaza ny mpitandro filaminana ny zava-misy. Nirohotra nidina teny an-toerana nijery ifotony ny tranga-javatra niaraka tamin’ny mpitsabo izy ireo.

Fantatra nandritra ny fizahana fa maty nisy namono ity lehilahy ity satria nahitana … miisa roa teo amin’ny lohany. Mbola tsy fantatra kosa ireo nahavanon-doza fa tombanana ho nisy nanendaka izy io ka namaly ireo olon-dratsy ka izao niafara tamin’ny famonoana azy. Natolotra ny havany ny vatana mangatsiaka taorian’ny fizahana. Efa mandeha ny fikarohana ireo nahavanon-doza.

L.N