Mpianatra miisa 135 no navoaka tamin’ny fomba ofisialy ny 25 febroary lasa teo. Tonga nanatrika izany ny solontena’ny hopitalim-panjakana maromaro sy ireo izay any amin’ny hopitaly tsy miankina.  Nampitondraina ny anarana hoe “mahefa” ity andiany faha fito ity noho ny nahatontosan’izy ireo hatramin’ny farany ny fianarana na dia teo aza ny olana sy ny fahasarotan’ny fianarana nandritra ny 3 taona sy ny fanomanana ny asa famaranana ny fianarana( Tfe). Araka ny nambaran’ny talen’ny “Institue”, Rafanomanantsoa Sibel dia “misy amin’ireo mpianatra no efa voaray miasa na izany aza nefa dia namporisihana ihany koa izy ireo mba hiroana amin’ny famoronan’asa ialana amin’ny tsy fananan’asa. Misy ihany koa ireo izay vonona hiasa any amin’ny tontolo ambanivohitra izay manana olana amin’ny tsy fahampian’ny mpitsabo ka hanala olana ireo toeram-pitsaboam-panjakana arak’ izany ny namoahana ireto mpitsabo mpanampy ireto”. Vinavinain’ny sekoly ny fanitarana ny fiofanana katramin’ny bac + 4, +5, hatramin’ny “doctorat” izay ho tanterahina tsy ho ela.

St Jacques Marino