Raim-pianakaviana iray 54 taona no naratra mafy voan’ny fandrika nataony tao amin’ny saha lavanila, tany Antonopahitra, distrikan’i Sambava, ny Alatsinainy lasa teo. Nandevenany ireny fandrika antsoina hoe « famotsa » ireny izay vita amin’ny fantsika lehibe apetaka amin’ny hazo fisaka na « planche » ireny tao amin’ilay saha mba hamandrihana ireo mpangalatra, noho ny firongatry ny halatra lavanila maitso.

Tamin’io andro io dia nisy namefy ny lalana mivoaka izany saha izany ka nihoatra an’izay no nahavoa ity lehilahy ity. Naratra mafy vokatra izany ity farany satria niditra teo amin’ny faladia ary nivoaka teo amin’ny tampon-tongony ilay fantsika, araka ny loharanom-baovao.  Mirongatra ny halatra lavanila any amin’ny faritra Sava amin’izao fotoana izao. Tsy mba manana fitaovam-piadiana hiarovana @ herisetra ataon’ny jiolahy ireo mpamboly ka mikaroka hevitra hiambenana ny voly.

Laurena Nany