Fokontany maromaro manerana ny Boriboritany faha dimy no nanatanterahan’ny Sampana sosialy Fanantenana ao anatin’ny FAFI V fanampiana, omaly maraina. Vehivavy sahirana, mpanasa lamba sy mpitsindroka fako miisa 400 eo ho eo no notolorana vola nentina nankalazana ny andro maneran-tany hoan’ny andriambavilanitra. Nanentana   ny amin’ny fahalalana ny zo ka tsy ho kofehy manara-panjaitra intsony amin’ny asa sy ny adidy takina amin’ny maha olona sahirana azy ireo, Ramatoa Hanitrinialala Raholdina.

Manaporofo ny fahasahiranana, indrindra ho an’ny renim-pianakaviana Malagasy ny fahitana ny maro amin’izy ireo miasa amin’ny andro natokana hoan’ny vehivavy, araka ny nambaran’ny filohan’ny Sampana Fanantenana ihany ka mendrika azy ireo ny tohanana sy ankaherezina.

Kambana 3

Isany notsidihan-dramatoa Hanitriniala Raholdina mivady sy ny mpiara-miasa aminy ihany koa ny renim-pianakaviana iray vao teraka kambana telo : Miangaly, Miangola ary Miangoty, teny amin’ny boriboritany fahadimy, izay notolorany fanampiana manokana toa ny rononon-jaza, eau vive pack 1, couches, savony iray baoritra sy kojakojam-pitafiana maro samihafa ilaina ho amin’ny fikarakarana ireo zaza kambana telo ireo.

Mia