Nampiteny azy indray ny fiara marika Mercedes Sprinter, omaly atoandro, tokony ho tamin’ny 2ora tany ho any, tamin’iny lalam-pirenena Rn4 iny. Nivadiky ambony ambany ary latsaka tany an-kady ny fiara iray mitondra mpandeha maro be vokatry ny fandehanana mafy. Teny amin’ny tanàna antsoina hoe Manjakavaradrano, izay 10 kilometatra miala an’ny tanànan’Andriba. Niainga avy taty an-drenivohitra hihazo an’Antsiranana ity taksiborosy ity izao tra-doza izao. Tsy nisy ny aina nafoy fa mpandeha miisa 6 no naratra mafy. Potika tsy nisy noraisina ilay fiara torak’izany koa ireo entana dia ny legioma sy ny voankazo izay saika hamidy any an-toerana. Efa manaraka fitsaboana ireo naratra fa ireo mpandeha ambiny kosa efa nanafarana fiara iray hafa avy aty an-drenivohitra nitondra azy ireo  any Antsiranana.

L.N