Olona 5 no naratra vokatry ny lozam-pifamoivoizana, teny Mausolée, omaly 23 martsa. Zandary ny iray tamin’izy ireo. Tokony ho tamin’ny 00ora sy 40 minitra no niseho ny loza. Avy nanao « service d’honneur ny Unimog » ireo zandary tamin’izany. Teo amin’ny lalana hitsofoka ao amin’ny vavahadin’ny « Escadron Mixte » no nifandona tampoka tamin’ny fiara Mazda iray avy any Ampasampito hihazo eny Mausolée ny fiara nitondra azy ireo. Nahatratra 30 metatra ny « trace de freinage » ary nijanona ho fahadimy ny hafainganam-pandeha an’ilay Mazda, araka ny vaovao vaoray.

Vokany, olona dimy no naratra ka ny efatra tao anatin’ilay fiara Mazda ary anisan’izany ny saofera, izay voatery nosikirina mihitsy. Zandary kosa no fahadimy.

Potika ihany koa ireo fiara anankiroa. Raha ho an’ilay Mazda dia rotika ny « train » an-kavia aloha, vaky ny jiro ary nihemotra ny « cabine ». Nihemotra kosa ny « pare-choc » an’ilay fiara nitondra ireo mpitandro filaminana. Tsy vitan’izany fa mbola niforitra ihany koa ny « aile », vaky ny jiro an-kavanana aloha.

L.N