Nanaitra ny maro ny fahitana ilan-tanan’olona havia, teny amoron-dranomasina, manakaiky ny hopitaly be, tany Toamasina, ny faraparan’ny herinandro teo. Tsy fantatra na avy taiza na avy taiza fa nipetraka teo amorom-pasika izany. Nampandre ireo tompon’andraikitra avy hatrany ireo izay nahita maso. Nidina teny an-toerana ny Bmh nanao ny fizahana. Ahiana ho maty an-drano ka lanin’ny trondro na maty nisy namono dia natsipy tany anaty rano ny olona izay tompon’io tanana io, araka ny fanazavan’ny Bmh any Toamasina. Hay tamin’izany ihany koa fa tanana misy kilema ity hita ity ary tanan-dehilahy, ny vatany kosa tsy hita. Teo anatrehan’izany dia nandray fepetra ny Bmh nandevina ilay ilan-tanana any amin’ny fasan’ny kaominina any an-toerana.