Omaly no nosokafana tamin’ny fomba ofisialy ny fanamarihana ny fankalazana ny faha-55 taonan’ny Polisim-pirenena Malagasy. Notanterahina teny amin’ny kianja mitafon’ny Mahamasina izany ka hetsika ara-panatanjahantena no nentina nanamarihana ny fankalazana ary tsy hifarana raha tsy amin’ny volana septambra, amin’ity taona ity izany. Taranja baolina kitra, basket-ball, tsipy kanety be ary Arts martiaux no hifaninanana mandritra izany. Nisy ny filaharan’ireo polisy handray anjara amin’ny fifaninanana izay avy amin’ireo sampan-draharaha sy ny sampan’asa samihafa eo anivon’ny Ministeran’ny Filaminam-bahoaka sy ireo polisy miasa any amin’ny andrimpanjakana.

Nanokatra ny lanonana tamin’ny fomba ofisialy ny minisitry ny Filaminam-bahoaka, ny Inspektera jeneralin’ny polisy Randimbisoa Blaise Richard, tamin’ny fanafarana ny maha lalaom-pirahalahiana ny lalao rehetra amin’ny fifaninanana ka tokony hisy ny fifanajana sy ny fanarahana ny fitsipika mifehy ny taranja rehetra. Marihina fa tsy ny teto an-drenivohitra ihany no nanao ny hetsika fanamarihana toy izao fa hatrany amin’ny faritra