Nisehoana vono olona mahatsiravina, tany amin’ny kaominina Bekobay, distrikan’i Mahajanga II, ny alarobia lasa teo, tokony ho tamin’ny 2ora maraina tany ho any. Raim-pianakaviana iray no maty tsy tra-drano, noho ny hetraketraky ny vinanto lahiny. Hasarotam-piaro tafahoatra tamin’ny tsy fahitan’ity farany ny zanak’ilay raim-pianakaviana no voalaza fa nahatonga ny famonoana. Reraka nitady ilay vehivavy eran’ny tanàna ilay lehilahy saingy tsy hitany tamin’ny toerana nitadiavana azy mihitsy. Nokarohiny tany an-tranon-drafozany anefa ramatoa ka tratrany tao. Notaominy handeha hiaraka aminy ilay vehivavy avy eo nefa tsy nety. Niezaka niaro an-janany ilay raim-pianakaviana ka nokapain’ilay vinanto tamin’ny famaky ary maty teo no ho eo. Nisafoaka tamin’izany ilay vehivavy ka raikitra ny fifanjevoana, izay niteraka faharatrana taminy. Marihina fa vadiny teo aloha, efa nisarahany io vehivavy io. Efa manaraka fitsaboana any Mahajanga ilay naratra.

Laurena Nany