Mitohy hatrany ny habibiana sy ny tsy fiheverana ataon’ireo renim-pianakaviana sasany izay maneho ny fahaverezan’ny fanahy maha olona. Zaza menavava iray indray no fantatra fa nisy nanary, teny amoron-dranomasina, tany Toamasina, omaly maraina. Teo am-pitan’ny biraon’ny faritra no voalaza fa nahitan’ny fokonolona izany, izay mifono lamba tsara. Fantatra tamin’ny fahitana ny razana fa zaza efa-bolana eo ity nisy nanary ity. Hay nandritra ny fizahana nataon’ireo tompon’andraikitra ihany koa fa maty novonoina izy  io, izay vao nariana. Nahitana mangana teo amin’ny orony, izay nanamarina fa noteren-dreniny tamin’ny tanana na zavatra ary nitarika ny fahafatesany.

Ny alin’ny alahady hifoha omaly, alatsinainy no nanariana ilay zaza teny amorom-pasika saingy tsy fantatra kosa ilay reny nahavanon-doza. Nanokatra fanadihadiana ny mpitandro filaminana. Ilay razana kosa natolotra ny fokonolona mba halevina.