Azo lazaina fa mandry andriran’antsy isaka alina ny vahoaka any Iakora sy ny manodidina, any amin’ny faritra Ihorombe. Tsy mbola misy ny andraikitra raisin’ny mpitondra fanjakana sy ny manam-pahefana any an-toerana na dia fanta-daza amin’ny tsy fandriam-pahalemana, indrindra fa ny asan-dahalo aza iny toerana iny. Manoloana izany, manao antso avo ny vahoakan’Iakora amin’ny mba hanampiana azy ireo manokana satria tena mandry tsy lavo loha izy ireo amin’izao fotoana izao. Marihina fa ireo mponina any an-tampon-tanànan’Iakora kosa tsy voakasik’izany. Matory an-trano avokoa ny olona ao an-tampon-tanàna fa ny any ambanivohitra no lasibatr’ireo Malaso, araka ny fampitam-baovao voaray avy any an-toerana. Voatery mitsoaka ny tanàna izy ireo ary any anaty ala no matory rehefa migadona ny alina.

L.N