Ny alarobia lasa teo no nigadona tany Fenoarivo-Antsinanana ireo delegasiona iraky ny vondrona Eropeanina ao anatin’ny tetikasa Afafi notarihan’i André Lachapelle, izay tafiditra ao anatin’ny 11e Fed. Matotra ny fiaraha-miasa eo amin’ny faritra Analanjirofo sy ny Vondrona Eropeanina amin’ny fampandrosoana ny tontolo ambanivohitra. Niroso tamin’ny fandinihana ny tetikasa avy hatrany ny roa tonta, izay niarahana tamin’ireo lehiben’ny sampan-draharaham-panjakana any an-toerana, izay niarahana tamin-dRamaroson Jacques, lehibe’ny faritra. Voaresaka nandritra izany ny lafiny fambolena, tontolo iainana ary ny jono. Amin’ny telo volana voalohany, ny taona 2017 no voalaza fa hanombohan’ny asa. Ny alakamisy teo kosa indray no nanao ny fidinana ifotony ireo delegasiona ary nihaona nivantana tamin’ireo tantsaha sy mpanjono mpahazo tombontsoa.