Nijoalajoala ny lelafo tany Mahajanga, ny marain’ny alatsinainy lasa teo. Trano fisotroana iray tao amin’ny fokontany Manjarisoa no levon’ny afo tsy nisy noraisina tamin’io andro io. Tsy fantatra mazava izay nahatonga ny fahamaizana fa manahy kosa ny tompon’ilay toeram-pisotroana fa niniana natao . Araka ny voalaza dia tsy misy mipetraka ao amin’ity toerana ity. Ny manodidina no nampandre  ny tompony ; ity farany indray avy eo  no nampilaza ny mpamonjy voina. Mandra-pahatongan’izy ireo dia ny mponina manodidina no nifarimbona namono ny afo. Nananosarotra ho azy ireo kosa ny famonoana izany, noho ireo toaka maro be. Ora maromaro taty aoriana vao voafehy tanteraka ny fahamaizana. Tombanana an-tapitrisany ny fahavoazana. Misokatra ny fanadihadiana hamaritana tsara ny tena zava-niseho.