Nipoapoaka ny basy tany amin’ny faritry Melaky, tamin’ny faran’ny herinandro teo. Dahalo maromaro nirongo fitaovam-piadiana mahery vaika no nanafika ny kaominina Sahoany, tokony ho tamin’ny 11ora alina tany ho any. Ankoatra ireo omby aman-jatony lasan’ireo dahalo dia mbola nalaina ankeriny ihany koa ny vehivavy bevohoka iray, isan’ireo tompon’ny omby lasa. Nampandre ny mpitandro filaminana avy hatrany ireo fokonolona rehefa nivoaka ny tanàna ireo olon-dratsy. Nidina teny an-toerana ny zandary nanao ny fizahana ary nanatanteraka ny fanarahan-dia niaraka tamin’ny fokonolona avy eo. Fotoana vitsy taty aoriana nandaozan’ireo mpangalatra ny kaominina Sahoany dia nifanehitra ny roa tonta. Raikitra ny fifampitifirina teo amin’ny mpanara-dia sy ireo dahalo izay naharitra ora maromaro. Vokany, lavon’ny balan’ireo dahalo ny iray tamin’ireo fokonolona ary iray hafa kosa naratra mafy. Ity farany izay efa manaraka fitsaboana any amin’ny tobim-pahasalamana any an-toerana. Mbola tsy tafaverina kosa ilay vehivavy bevohoka sy ireo omby voaroba. Mitohy ny fanarahan-dia.

Laurena Nany