Ho fanamarihana ny fankalazana ny faha-56 taona nahazoana ny fahaleovantena dia nanao hetsika ny ministera ny fanambeazam-pirenena, niarahana tamin’ny Dren Analamanga mba hampifalifaliana ny mpianatra rehetra eto an-drenivohitra sy ny manodidina ka voakasika anatin’izany ny faritra avaradrano sy atsimondrano. Nisy noho izany ny « carnaval » notanterahina, izay niainga teo amin’ny ministeran’ny Fanabeazam-pirenena ary tsy nifarana raha tsy tao amin’ny kianjaben’ny Mahamasina, izay nandraisan’ny mpianatra miisa 7 000 eo ho eo anjara avy ao amin’ny kolejy sy lisea na miankina na tsy miankina amin’ny fanjakana. Raha oharina tamin’ny taona lasa dia nahitana fihenana ireo ankizy nandray anjara satria nahatratra 13 000 izy ireo. Hetsika izay fampahafantarana ireo mpianatra ny hasina sy ny kolontsaina izay tokony hanajana ny fahaleovantenan’i Madagasikara. Nisy ny fifaninanana tononkalo, kabary, hirahira ary vakodrazana, nanamarihana ny hetsika izay nahazoana loka maro be avy tamin’ny ministera. Marihina anefa fa tsy ny eto an-drenivohitra ihany no nanatanteraka ny fanamarihana izao fa eran’ny Dren sy ny Cisco manerana ny Nosy.

Laurena Nany