Manao hetsika manokana hametrahana fandriam-pahalemana maharitra ny polisim-pirenena ao Toamasina hatramin’ny fiandohan’ity herinandro ity ka maromaro sahady ny vokatra naterak’izany. Anisan’ny tena nisongadina ny nahatrarana mpamono olona iray, izay tena nokarohina fatratra. Voalaza fa namono vehivay izy io ary izao saron’ny vela-pandriky ny mpitandro filaminana izao rehefa nokarohina. Ankoatra izany dia nisy mpanendaka rain-dahiny sy mpivarotra rongony ihany koa tratra nandritra ny hetsika. Tsy manaiky lembenana ary nilaza ny tsy hipetra-potsiny fa hanao izay rehetra ho afany hamongorana ny tsy fandriam-pahalemana amin’ny endriny rehetra ny polisy any an-toerana. Mafy nefa ny ady tsy maintsy hatrehina satria efa manana ny paikadiny ihany koa ireo olon-dratsy izay mitombo isa saika ho isan-kerinandro. Zava-dehibe ho an’ny polisy, noho izany, ny fanomezam-baovao avy amin’ny vahoaka mba hahafahan’izy ireo manokatra ny fanadihadiana sy misambotra ireo ahiana ho olon-dratsy.

Dom