Soa fa nisy nahita fa raha tsy izany dia mety ho ratsy ny fiafaran’ny adin’ny mpivady teny Antaninandro ny takarivan’ny sabotsy lasa teo. Teo am-pidarohana an-dramatoa teo amoron-dalana mihitsy mantsy rangahy vadiny no nisy nahatsikaritra ka nanakana avy hatrany. Sady nentin-katezerena ilay lehilahy no nitantara fa tratrany ambodiomby niaraka tamin’ny lehilahy hafa ilay vadiny. Tsy sahy nandà ity farany saingy kosa nitantara tamin’ireo niaro azy fa efa te hisaraka amin’ilay tena vadiny. Niantsoan’ny olona polisy ilay mpamono vady ka nitari-dositra naka ny moto-ny dia lasa nitsoaka no sady mbola nanao rahom-bava fa mbola hiverina. Ts hita intsony anefa izy ny alin’iny satria karazan’ny natahotra ny hosamborin’ny polisy. Marihina fa ireny sokajin’olona tsy dia manan-katao sy tsy nahita fianarana ireny ireto niady ireto. Mahagaga tokoa fa rehefa tsy ampy fanabeazana ny olona dia ny fifampirafesana sy fampiasan-kery no hevitra hitan’izy ireo hamahana ny olana ara-pitiavana eo amin’ny fanambadiana.

Dom