Vazaha lahy iray no fantatra fa namono tena tao an-tranony ny 9 jolay lasa teo tamin’ny 8 ora alina. Manam-bady aman-janaka ary manana taratasy ara-dalàna hipetrahana eto Madagasikara ity lehilahy teratasy vahiny ity. Mpandraharaha ara-toekarena, teratany frantsay izy ary tsy mipetra-drery fa miara-monina amin’ny fianakaviany. Tsy fantatra mazava izay antony nanosika azy hanala ny ainy fa efa eo am-panatanterahana ny fanadihadiana kosa ny mpitandro filaminana. Natetika mihitsy tato ho ato ny ahenoana olona namono tena noho ny antony maro samihafa. Ho an’ny vahoaka madinika dia ny fahantrana sy ny fahadisoam-panantenana ara-pitiavana no mahatonga ny olona mamoy fo ka misafidy ny ho tapitr’andro mialohan’ny fotoana tokony hiantsoan’ny Ray azy. Ny mpanan-karena kosa dia tsy fantatra ny antony matetika satria tsy avelan’ny fianakaviana havoaka ho fantatry ny besinimaro ny valin’ny fanadihadiana noho ny henatr’olona sy ny tokantrano tsy ahahaka.

Dom