Disadisa teo amin’ny mpiray tanàna no nahatonga ny fahafatesan’iray tamin’ireo mpifanandrina. Tany Befandriana avaratra faritra Sofia no nisehoan’ity vono olona ity. Araka ny tatitry ny zandarimariam-pirenena dia lehilahy telo no niady tao an-tanàna ka nanaovan’i Eric sy Lico tambabe i Letofa ary naratra mafy sy mavo tamin’ny tany. Tsy maty teo noho eo anefa izy fa mbola nentin’ny havany sy ny fokonolona tany amin’ny hopitaly Vaovao mahalafy any mandritsara. Na teo aza ny fitsaboana natao dia ny androtr’io naharatra azy io ihany izy no lasa tany amin’ny varo tsy mifody. Nandray andraikitra avy hatrany ny mpitandro filaminana manoloana izany ka nandefa zandary roalahy hanao ny fisamborana sy ny famotorana ireo rolahy namono an’i Letofa. Tranga efa mateti-piavy ny toy izao satria entin’ny tendro-po tsy mba namana dia lasa manaonao foana mamono olona. Rehefa tara fandraisana andraikitra anefa ny mpitandro filaminana dia miafara amn’ny fitsaram-bahoaka ny raharaha toy izao.

Dom