Tsy nahaleo ny mpitandro filaminana ireo dahalo rehefa nifampitana naharitra ka lavon’ny bala ny 2 ary tafaporitsaka nanavotr’aina ny iray. Tany Morondava Midongy Atsimo no nisehoan’io fifampitifirana teo amin’ny malaso sy ny zandary nampian’ny kaolaony io. Fantatra fa tonga tany an-toerana ny dahalo telolahy ary nitady bala hovidiana hoentina hanaovana fanafihana mahery vaika. Nisy nampandre anefa ny mpitandro filaminana ka nandefa zandary enin-dahy nampian’ny kaolaony vitsivitsy. Vao nahatazana izany ireo dahalo tonga dia nanafika tamin’ny tifitra variraraka. Tsy nahavoa anefa ka namaly bontana ny mpitandro filaminana ary izao niafara tamin’ny fahalavoan’ireo jiolahy izao. Tavela teo ihany koa ny kitapon’ireo malaso ka nahitana fanamiana fitondran’ny miaramila sy balamaromaro ary basy iray rehefa nosavaina. Mitohy ny fanadihadiana noho izany mba hahafantarana ny toerana niavian’ireo dahalo ireo sy ny tetika kotrehan’izy ireo tamin’izao fanangonana bala izao.

Dom