Nivoaka tamin’ny fahanginana ireo mpitondra fiarakaretsaka manara-dalàna ary mankasitraka ny fanenjehana ireo mpanao jono botry. Nanazava ny sasany amin’ireo ara-dalàna fa anisan’ny mahatonga ny tsy fandriam-pahalemana ireo taxy tsy ara-dalàna ary ireny ihany koa no manao ilay fomba fiara mitondra olona samihafa. Nampahafantarin’ireo tena mpitondra Taxi ireo famantarana ny tena izy dia ny lanterina misy soratra Taxi miaraka amin’ny laharan’ny licence, misy sorara TAXI mainty eo amin’ny varavarana, aloha, misy vinety karazany 2 eo amin’ny fitaratra alohan’ny fiara kany iray miloko fotsy avy any ivelany ary ny iray mangaraharaha avy any anatiny, farany dia miloko beige crème mazava miavaka tsara. Izay fiara mahafeno ireo fepetra ireo ihany no azo antoka fa tena ATXI ary tsy atahorana ho jiolahy na ihany koa hambotry ny mpanifa amin’ny tolotra tsizarizary nefa saran-dalana lafo dia lafo. Manao antso avo, ireo tena TAXI aradalàna mba tsy handeha amin’ireo fiarakaretsaka sandoka ny mpanjifa satria sady mamono ny asan’izy ireo ireny no mbola mitsentsitra tsy andrariny ny mpandeha ihany koa. Araka ny fantatra dia efa an-jatony maro ireo tsy aradalàna no voasambora saingy mbola maro ihany no mahita hevitra handosirana ny mpitandro filaminana ka manohy ny asa antsokosoko.

Dom