Antsojay miampy  tsindry hazo lena tsotra izao no voalazan’ireo mpitatitra mampitohy an’Ambatondrazaka sy Tanambe ho mihatra amin’izy ireo ka nanehoany ny firaisankina niara-nitokona tsy niasa nanomboka ny alatsinainy 08 aogositra 2016. Miantefa any amin’ny tompon’andraikitra ka itakian’izy ireo ny famahana haingana ny olana izao fitokonana izao. Vokatr’izany, maro tamin’ireo mpandeha no tavela tany amin’ny toerana tokony ho niaingany tamin’io andro io ary voatery nijery vahaolana hafa raha tena maika. Tsy nambaran’ireo mpitatitra tamin’ny antsipiriany kosa anefa ireo karazana anton-javatra nahatonga ny fitokonana ankoatra ireo efa voalaza etsy ambony ireo ary nilaza izy ireo fa tsy misy fetrany ny fotoana anatanterahany izany raha tsy voavaly ny fangatahany.

Ange R.