Ny météo Madagascar, ao anatin’ny fandaharan’asa « Cadre National pour les Services Climatologiques (Cnsc) » dia maminavina ny hanaparitaka eo amin’ny sehatra nasionaly ny « Cadre Mondial pour les Services Climatologiques ». Ity farany, izay tokony hanampy amin’ny fahazoana bebe kokoa ny tolotra momba ny vinavinan’ny toetr’ andro eto amin’ny firenena. Noho izany, hanao fanambarana momba ny mety ho toetry ny andro amin’ity fotoam-pahavaratra 2016-2017 ho avy ity ny Météo Madagascar. Fampisehoana izay hotanterahina anio 13 oktobra 2016 ao amin’ny Café de la Gare Soarano, Antananarivo. Tanjona amin’ity hetsika ity ny fampahafantarana sy ny fampirisihana ny fampiasana ny fitaovana famantarana ny toetry ny andro. Izany rehetra izany no atao dia mba hahafahana maka fanapahan-kevitra ao anatin’ny sehatry ny “activités météosensibles”. Raha ampahatsiahivina manko dia mbola tsy fotoanan’ny rivodoza akory dia efa nisy ny rivodoza Abela tamin’ny 17 jolay sy Bransby tamin’ny 5 oktobra lasa teo. Vao mainka manamafy ny fisian’ireo rivodoza roa ireo fa ilaina ny mahafantatra sy mahafehy ny tontolon’ny vinavinan’andro.

Ny Tsiky R.