Mihitatra hatrany ny doro tanety manamorona ny lalam-pirenena 11-A mihazo ny distrikan’i Mahanoro miainga ao Antsampanana mankany Vatomandry iny amin’izao fotoana izao. Vanim-potoana izay tena mampirongatra ny doro tanety tokoa noho ny andro mafana loatra. Ripaky ny afo ny velaran-tany maro ka ny hazo ravinala sy ireo karazan-kazo maro samihafa dia samy potika sy maina avokoa. Araka ny fantatra dia ny voly vary an-tanety no mahatonga ny olona sasany manao ny tevy ala. Ankoatry ny fahapotehan’ny ala, dia misy amin’ireny biby miaina ao anaty ala ireny no maty atelin’ny afo, ao kosa ireo mitsoaka mandositra. Hatreto anefa, tsy mbola nandrenesana feo ny tompon’andraikitra isan-tsokajiny indrindra ny misahana ny tontolo iainana fa raha mitohy ny doro tanety dia ho foana araka ny fitenenana ny alan’atsinanana.

ZOUZOUH Toamasina